torsdag 1. desember 2016

1.desember

Huskar du frå barnbommen, då det var cirka 100 år frå 1.desember til julaften?
Heime hos oss var det ikkje anna pynting enn adventkalenderen og adventsstaken. (Vi hengte ikkje opp stjerna før på julaften. Når vi plutseleg byrja henge den opp i advent huskar eg ikkje, men det gjer vi iallfall her hos oss no.) Mamma hadde sikkert ei plan, og det skulle både vaskast og bakast og kjøpast gåver, nye klær og etterkvart pyntast. Men ikkje akkurat i dag.
Det var i det store og heile ei æve til jul!
Eg ivra etter å bake og lage julegåver, og det vart naturlegvis litt etter litt. Men det var altså lang tid fram...

På eit eller anna tidspunkt har det skjedd ei tidsendring. No går tida fortare! Heilt klart. (I tillegg har verda byrja å tru at alt skal vere ferdig når advent startar, men det er jo heilt feil, dette er jo tida å førebu seg til jul!) Idag er det 1.desember, det er berre nokre veker til jul! Svisj, så er det jul, kjennes det som. Vi har pynta huset til advent(ja, eg har enkelte ting som MÅ fram), det gjorde vi til 1.søndag i advent, så i tillegg til stjerne, har vi adventsstake i kjøkkenvinduet og ei lita busk i ei nisje i gangen. Busken er pynta med lys og litt enkel pynt, det blir så lyst og godt! (men den må ikkje forvekslast med juletre, den er ei adventsbusk! Iår er det ei furu, men helst skal det vere einer. Neste år, kanskje) No kejm eg på at eg ikkje har sett fram krybba. Eg brukar sette fram krybba idag, og så kjem det ein figur kvar dag. Idag er det ein engel. No må eg rett og slett leite litt i kassene mine!
Adventsbusk

Adventskalenderen er klar, iallfall for dei første dagane. Mannen fekk ein liten kalender, han og, og eg har kjøpt adventskalender, med te, til meg sjølv! Den kom med eiga instruksjonsbok, så her blir det les og lær, dag for dag!
Eg har hengt opp kalender på jobb, og stadig fleire vil delta der, den er ein slags dugnad der den som vil vere med, kjøper ei gåve kvar og så er det trekning i lunsjen kvar dag. Adventskos!

Ny te kvar dag, det er berre å brygge ei kanne og nyte!
Flaks eg har ny tekanne :)
Ute er det knapt nok lyst midt på dagen, og det er godt med alt som lyser opp! Eg er i full gang med julemusikk også, eg trålar Spotify etter gode lister med julemusikk, gje meg gjerne eit hint om du har forslag!
Plan for bloggen i desember?
Eit livsteikn kvar dag. Lesetips. Musikktips. Baketips. Kosetips. Litt bilder og litt hjartesukk. Kanskje nokre minner? Kan det bli greit?

7 kommentarer:

  1. Så enig! Adventen brukes til å bygge opp forventning og til å glede seg til jul. Ingen julepynt finnes fram før 23. desember. Vi henger opp adventstjerner, setter adventstakene i vinduene og har adventskrans med fire lilla lys. Viste du forresten at det egentlig skal være ett hvitt og tre lilla lys? Liturgisk farge for første søndag i kirkeåret er hvit. Jeg holder meg til fire lilla.

    Nå koser jeg meg maksimalt! I dag har min datter og jeg starta på ikke mindre enn tre julekalendere på "TV": Amalies jul, Jul i Svingen (ettersom vi bor i "Svingen") og den nye som sendes på Nrk i år. Den er delvis innspilt her i kommunen.

    Ha en fin advent, jeg ønsker å høre mye fra deg :-)

    SvarSlett
    Svar
    1. Hadde heilt gløymt det med det eine kvite lyset, det skal eg ta med til neste år!
      Vi har sett den nye serien, klarer vi følge med på den, er eg fornøgd. No sitt eg og legg planer for blogging i desember, muleg eg har teke med vatn over hovudet...

      Slett
    2. Ja, jeg holdt på å bli bitt her, men jeg tok til vettet ;-)

      Slett
  2. "Vi tenne våre lykter" går nesten litt på repeat her i dag!

    Ha en nydelig førjulstid!

    SvarSlett
  3. Sånn hadde vi det også da jeg var liten - adventsstaker og runde heklede duker til advent og så kom "all" pynten og juletreet den 23.12.
    Av praktiske grunner deler jeg opp - noe til advent, noe rundt den 13. - og treet enda senere, men i år, igjen av praktiske grunner - er alt oppe. Jeg er ikke å nøye på det, tar det mest som det passer, fra år til år. Kos deg med te-kalenderen din - vi har en med kaffi ❥ Trivelige greier! God ventetid

    SvarSlett
    Svar
    1. Drikker adventskalender-te og prøvesmake julebakst. Pynter litt pølser om pølser her, skal ta fram litt mer pynt i helga, og gleder meg til 13.desember for da skal jeg ta fram luciatoget mitt.

      Slett